Thursday, April 25, 2013

പാഴ്


പാഴ്

നഴ്സറിയിലെ പുതിയ ജനുസ്.
പറഞ്ഞ വിലകൊടുത്ത് വാങ്ങിയതാണ്.
അരുമയായി പാലിച്ച് കാത്തിരുന്നതാണ്.
ആടുകടിച്ച ഇലനോക്കി
അയല്‍ക്കാരോട് വഴക്കിട്ടതാണ്.
ഒടിഞ്ഞ ചില്ലയില്‍
മരുന്നു വച്ചു കെട്ടിയതാണ്...

മതിലുപൊളിച്ച്, ചില്ലകള്‍ പന്തലിച്ച്,
മുറ്റം നിറയെ കരിയിലകള്‍ വീഴ്ത്തി
വേണ്ടാത്തിടത്തെല്ലാം വേരുകളാഴ്ത്തി
നേര്‍ വഴിക്കൊരു തടസ്സമായി
നില്‍ക്കും പാഴിന്നിവനൊരു
കോടാലിക്കൈ തേടുന്നു ഞാന്‍!